দিন: ০৩/০১/১২
ঠিকনা: মুম্বাই
মহাৰাষ্ট্ৰৰ পৌৰসভা নিৰ্বাচন – ভোট নিদিয়াকৈ বিনা প্ৰতিদ্বন্দ্বিতাত জয়লাভ কৰে ৬৮ গৰাকী প্ৰাৰ্থীঃ মহাৰাষ্ট্ৰত পৌৰসভা নিৰ্বাচনৰ তেৰ দিন পূৰ্বে বিজেপি মিত্ৰজোঁট (মহায়ুতি)ই বিনা প্ৰতিদ্বন্দ্বিতাৰে ৬৮ খন আসনত জয়লাভ কৰিছে। বিজেপিয়ে ৪৪খন আসন লাভ কৰাৰ বিপৰীতে একনাথ শিণ্ডেৰ শিৱসেনাই ২২খন আসন লাভ কৰে।অজিত পাৱাৰৰ জাতীয়তাবাদী কংগ্ৰেছ পাৰ্টিয়ে দুখন আসন লাভ কৰে। নিয়ম অনুসৰি যদিহে এখন আসনৰ বাবে মাত্ৰ এজন প্ৰাৰ্থীয়ে খেলপথাৰত থাকে আৰু আন কোনো প্ৰাৰ্থীয়ে মনোনয়ন দাখিল নকৰে বা প্ৰত্যাহাৰ নকৰে তেন্তে সেই প্ৰাৰ্থীক বিনা প্ৰতিদ্বন্দ্বিতাৰে নিৰ্বাচিত কৰা বুলি ঘোষণা কৰা হয়। এই ৬৮খন আসনতো এই পৰিস্থিতিৰ সৃষ্টি হৈছিল, গতিকে ভোটদানৰ প্ৰয়োজন নাছিল। অৰ্থাৎ ২৯টা পৌৰ নিগমৰ বাকী ২৮০১খন আসনৰ বাবে এতিয়া ১৫ জানুৱাৰীত ভোটগ্ৰহণ কৰা হ’ব। ১৬ জানুৱাৰীত ঘোষণা কৰা হ’ব ফলাফল। বিনা প্ৰতিদ্বন্দ্বিতাৰে নিৰ্বাচিত হোৱা ৪৪ গৰাকী বিজেপি প্ৰাৰ্থী, সৰ্বাধিক সংখ্যক থানে জিলাৰ কল্যাণ-ডম্বিৱলী পৌৰ নিগমৰ। পৰৱৰ্তী সময়ত পুনে, পিম্পৰী চিঞ্চৱাদ, পানভেল, ভীৱণ্ডী, ধূলে, জলগাঁও, আৰু অহিল্যানগৰ পৌৰ নিগমৰ পৰা নিৰ্বাচনত জয়লাভ কৰে। পুনেৰ ৩৫ নং ৱাৰ্ডৰ পৰা বিনা প্ৰতিদ্বন্দ্বিতাত নিৰ্বাচিত হয় বিজেপি প্ৰাৰ্থী মঞ্জুছা নাগপুৰে আৰু শ্ৰীকান্ত জগতাপ । ২০১৭ চনৰ পৰা ২০২২ চনৰ ভিতৰত একেটা ৱাৰ্ডৰ পৰাও দুয়োজন নিৰ্বাচিত হৈছিল।
এম এন এছ নেতা অবিনাশ জাধৱে কয়, যদি।নিৰ্বাচিত হৈছিল।এম এন এছৰ নেতা অবিনাশ জাধৱে কয় যে, “ভোটদানৰ পূৰ্বে যদি জয়ী হ’ব বিচাৰে তেন্তে নিৰ্বাচন কিয় অনুষ্ঠিত কৰিব? শাসকীয় দল দুটাই নিজৰ মাজতে ভাগ কৰিব লাগে।”
ভাৰত আৰু ৰাজ্যত গণতন্ত্ৰৰ পতন ঘটিছে। দুৰ্বল বিৰোধী প্ৰাৰ্থী বাছি লৈ কাম সম্পূৰ্ণ কৰিলে। শিৱসেনাৰ নেতা অৰবিন্দ সাৱন্তেও শাসকীয় দলসমূহে বিৰোধী প্ৰাৰ্থীক এনে বিনা বিনা বিজয় নিশ্চিত কৰিবলৈ হেঁচা প্ৰয়োগ কৰাৰ অভিযোগ উত্থাপন কৰে। বিএমচিৰ নিৰ্বাচন কেৱল পৌৰ নিগমৰ নিৰ্বাচন নহয়, মুম্বাইৰ ক্ষমতাৰ যুঁজ। সেয়ে মহাযুতি আৰু মহা বিকাশ আঘাদীৰ বাবে বিশ্বাসযোগ্যতাৰ বিষয়। ₹৭৪,০০০ কোটিৰ বাজেট থকা এছিয়াৰ সৰ্ববৃহৎ নাগৰিক সংস্থা বিএমচিত বিভাজন নোহোৱাকৈ (১৯৯৭-২০১৭) শিৱসেনাৰ শাসন চলিছিল। তেতিয়া বিজেপি ইয়াৰ মিত্ৰ আছিল। গোৱা, অৰুণাচল প্ৰদেশ, মণিপুৰ, মেঘালয়, মিজোৰাম, নাগালেণ্ড, ছিকিম, ত্ৰিপুৰাৰ বাজেটতকৈ মুম্বাই পৌৰ নিগমৰ বাজেট বৃহৎ। এই কাৰণেই বিজেপি, উদ্ধৱ থাকৰেৰ শিৱসেনা, একনাথ শিণ্ডেৰ শিৱসেনা, কংগ্ৰেছ, শৰদ পাৱাৰ, আৰু অজিত পাৱাৰে নিজৰ দখল শক্তিশালী কৰাৰ চেষ্টা চলাইছে।